Энэ парламентын өдрийн од бол яах аргагүй УИХ-ын гишүүн Д.Наранхүү. Ийн хэлэх болсон нь учиртай. Тэрбээр хоёр дахь удаагаа буюу сүүлийн таван жилд УИХ-ын гишүүнээр сонгогдон ажиллаж байгаа хүн. Гэтэл өнгөрсөн хугацаанд таслалт, хуралдаа суугаагүйгээрээ Д.Наранхүү гишүүн тэргүүлж, бусдыгаа хол хаядаг, хаясаар ч байна.
Ямартаа ч ховорхон харагддаг гишүүн маань өчигдөр Аюулгүй байдал, гадаад бодлогын байнгын хорооны хуралдаанд оролцохоор ирсэн нь олон хүний гайхшралыг төрүүлсэн. ТЕГ-ын дарга асан Б.Хурцыг БНСУ-д суух Элчин сайдаар томилох эсэх асуудалд Д.Наранхүү гишүүнд маш чухал байсан бололтой.
Учир нь тэрбээр Засгийн газрыг огцруулахад, дараагийн буюу У.Хүрэлсүхийн танхим бүрэлдэж, ажлаа эхлүүлэхэд ч байгаагүй. Мөн 2017 оны төсвийн тодотгож, 2018 оны төсвөө баталчихаад байхад ч эрхэм гишүүн хэл чимээгүй, бараа сураггүй байсныг сануулахад илүүдэхгүй болов уу.