Баянзүрх дүүргийн Засаг даргын Тамгын газраас иргэдийн ая тухтай, таатай орчинд амьдрах нөхцөлийг бүрдүүлэхийн тулд бүтээн байгуулалт, тохижилтын ажлыг шат дараатай зохион байгуулан ажиллаж байна. Тухайлбал гэр хороолол дундах замыг хусаж, тэгшлэх мөн орон сууцны хороолол доторх авто замын нөхөөсний ажлыг өнгөрсөн 7 хоногоос хийж эхэлсэн билээ.
Тэгвэл дүүргийн Нийтлэг үйлчилгээний газар-3 ОНӨААТҮГазар дүүргийн хэмжээнд нийт 21 хорооны 1.975 м.кв талбайн хатуу хучилттай авто замын нөхөөсний ажлыг хийж гүйцэтгэхээр төлөвлөн ажлаа эхлүүлээд байна. Нийтлэг үйлчилгээний газар-3 ОНӨААТҮГ-ын албан хаагчид өнгөрсөн хугацаанд дүүргийн 22 дугаар хорооны ‘’Төгөл хус’’ хотхоны 100 м.кв талбайн хатуу хучилттай авто замын нөхөөсний ажлыг хийж гүйцэтгээд байна хэмээн Баянзүрх дүүргийн Хэвлэл мэдээллийн албанаас мэдээллээ.
0
0
0
0
0
0
