Дэлхийн ур чадварын 44 дэх тэмцээн Арабын нэгдсэн Эмират улсын Абу Даби хотноо энэ сарын 14-19-нд болно. Манай улсаас оролцогчид өнөөдөр “Нэг сургууль, нэг орой” арга хэмжээнд оролцсон байна. Энэ нь Дэлхийн ур чадварын тэмцээнд оролцогчид өөрийн улс орны тухай Эмиратын дунд сургуулийн сурагчдад танилцуулах, нэг өдрийг хамтдаа хөгжилтэй, үр бүтээлтэй өнгөрүүлэх зорилготой хөтөлбөр аж.
Абу Даби дахь Германы олон улсын дунд сургуулийн удирдлага болон сурагчид Монголын оролцогчдыг халуун дулаанаар угтан авчээ. Тус сургууль нь АНЭУ-даа суралцагсдын тоогоор тэргүүлдэг бөгөөд 450 гаруй сурагчтай. Хөтөлбөрийн дийлэнх хувь нь герман, англи хэл дээр явагддаг, удирдлага болон бүх багш нар нь Герман улсаас уригдан ирсэн гэдгээрээ онцлогтой сургууль юм байна.
0
0
0
0
0
0
