НҮБ-ын Байгаль орчны хөтөлбөрийн Тогтвортой даатгалын форумын чуулга уулзалт энэ сарын 1-ний өдөр ИБУИНВУ-ын Виндсор хотноо болжээ. Европын холбоо болон дэлхийн 15 орны 25 төлөөлөгчид оролцсон тус чуулга уулзалтад Санхүүгийн зохицуулах хороны Даатгалын газрын дарга М.Өлзийбат оролцож, Монгол Улсын гамшгийн удирдлагын талаарх туршлага, даатгалын нөхцөл байдлын талаар танилцуулсан байна.
Хөтөлбөрийн чуулга уулзалтаар энэ удаа цаг уур ба хөрөнгө оруулалт, тогтвортой даатгалын хөтөлбөр, гамшгийн эрсдэлийг бууруулах болон энэ талаарх боловсон хүчний чадавх зэрэг олон сэдвээр чухал илтгэлүүдийг хэлэлцжээ. Мөн НҮБ-ын Байгаль орчны хөтөлбөрийн хэрэгжилт, цаашид авах арга хэмжээний талаар ярилцсан байна.
Тогтвортой Даатгалын Форум (SIF) нь дэлхийн эдийн засгийн өсөлтийг дэмжих, олон улсын даатгалын зах зээлийн тогтвортой байдал хангах хүрээнд улс орнуудын даатгалын зохицуулагч байгууллагуудын хоорондын уялдааг хангах зорилгоор байгуулагджээ. Форумыг НҮБ-ын Байгаль орчны Хүрээлэнгээс санаачилсан бөгөөд ногоон эдийн засаг, оновчтой хуваарилалт, тогтвортой хөгжил хөтөлбөрийг хэрэгжүүлж эхлээд байна.
Форумын дараагийн уулзалтыг 2017 оны 10 дугаар сард Малайз улсад хийхээр товложээ.
Виндсорын чуулга уулзалтаар цаг уур ба гамшгийн эрсдлийг бууруулах асуудлыг хэлэлцжээ
0
0
0
0
0
0
