БНХАУ-ын нийслэл Бээжин хотноо болсон Монгол, Хятадын бизнес форумын үеэр хоёр улсын бизнес эрхлэгчид 4.6 тэрбум ам.долларын санхүүжилт бүхий 36 гэрээ, хэлцэл байгууллаа.
Хоёр орны аж ахуйн нэгжүүд байгаль орчин, уул уурхай, усан хангамж, гэр хорооллын дахин төлөвлөлт, худалдаа, зочид буудал, барилга, мах, махан бүтээгдэхүүн боловсруулах үйлдвэр, төмөр зам, эрчим хүч, банк, санхүү, аялал жуулчлал зэрэг чиглэлээр хамтран ажиллах юм.
Тухайлбал Бөөрөлжүүтийн Дулааны цахилгааны станцийн төсөлд “Бодь Интернешнл” ХХК, “China State Construction Engineering” компанитай хамтран ажиллах 450 орчим сая ам.долларын өртөг бүхий гэрээнд гарын үсэг зурлаа.
2017 оны эцсийн байдлаар хоёр орны гадаад худалдааны хэмжээ 6.7 тэрбум долларт хүрээд байна. Энэ нь 2016 оноос 36 хувиар өссөн үзүүлэлт бөгөөд Монгол Улсын нийт гадаад худалдааны 63 хувийг эзэлж байна.
Хоёр улс 2020 он гэхэд гадаад худалдааны хэмжээг 10 тэрбум ам.долларт хүргэх зорилтыг хамтран дэвшүүлээд байгаа юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
№ |
Аж ахуйн нэгжийн нэр | Гэрээ | |
Монголын тал | Хятадын тал | Агуулга | |
1 | МҮХАҮТ | Хятадын Олон Улсын Худалдааг Дэмжих Хорооны Арбитрын газар | МҮХАҮТ болон Хятадын Олон Улсын Худалдааг Дэмжих Хороо хоорондын Бизнесийн эрх зүйн хамтын ажиллагааны тухай харилцан ойлголцлын санамж бичиг” |
2 | ХХААХҮЯ | БНХАУ-ын Машин механизм, аж үйлдвэрийн корпорац (Sinoconst) | Монгол Улсад Махны үйлдвэр, хорио цээрийн бүс бүхий цогцолбор байгууламж барих, технологийн шинэчлэл хийх төслийн МУ-ын ХХААХҮЯ болон БНХАУ-ын Машин механизм, аж үйлдвэрийн корпорац (Sinoconst) хоорондын арилжааны гэрээ |
3 | Улаанбаатар хотын захиргаа | Чайна Тианьян ХК | Монгол Улсын Улаанбаатар хотын Засаг даргын Тамгын газар, БНХАУ-ын Чайна Тиньян ХК хоорондын Улаанбаатар хотын ахуйн хог хаягдлыг сэргээн ашиглаж эрчим хүчний үйлдвэр байгуулах, ашиглах, өмчлөх, шилжүүлэх тухай хамтын ажиллагааны тухай санамж бичиг |
4 | ИНЕГ | China National Aviation Fuel Import and Export Co.,LTD | Memorandum of Understanding on cooperation between Civil Aviation Authority of Mongolia and China National Aviation Fuel Import and Export Co,.LTD |
5 | “Бодь” Интернэшнл | China State Construction Engineering LLC Sixth group | Бөөрөлжүүтийн 300 мвт хүчин чадал бүхий ДЦС-ын төсөл |
6 | “Монголын төмөр зам” ТӨХК | Хятадын “Башинь төмөр зам” ХХК | Хөөт-Бичигт, Хөөт-Чойбалсан чиглэлийн төмөр замын төслийг хамтран хэрэгжүүлэх чиглэлээр “Монголын төмөр зам” ТӨХК, “Башинь төмөр зам” ХХК-тай хамтын ажиллагааны санамж бичиг |
7 | “Морьтимпэкс” ХХК | "CNEC" LLC, HARCAN Engineering group | "Сонгино Говь ус хангамжийн эх үүсвэрийн төсөл" |
8 | Erdenes Steel Co., LTD | Sinosteel Equipment and Engineering Co. Ltd | Хамтын ажиллагааны санамж бичиг |
9 | Худалдаа хөгжлийн банк | “Baoshang Bank” | Банк хоорондын хамтын санхүүжилтийн зээл”-ийн гэрээ /гурвалсан гэрээ/ |
10 | Төрийн Орон Сууцны Корпораци ТӨҮГ | "China State Construction Engineering Company" | “Төрийн орон сууцны корпораци” тѳрийн өмчит үйлдвэрийн газар хоорондын харилцан ойлголцлын санамж бичиг |
11 | Нийслэлийн орон сууцны корпораци | China Machinery Engineering Corporation | Нийслэлийн БЗД-ийн 12-р хорооны нутагт дэвсгэрт Түмэн Амгалан төсөлд 200,0 сая ам.долларын хөрөнгө оруулж, хамтран ажиллах тухай санамж бичиг |
12 | "Их Монгол Үндэсний аялал уулчлал" компани | Фужян Хотель Менежмент групп | "Аялал жуулчлалын салбарт хамтран ажиллах" санамж бичиг |
13 | "Их Монгол Үндэсний аялал жуулчлал" компани | Фужян Хотель Менежмент групп | "Зочид буудлын сүлжээ байгуулах" санамж бичиг |
14 | Монгол, Хятадын соёл, эдийн засгийн хөгжлийг дэмжих нийгэмлэг | China Council for the Promotion of National Trade | Хамтран ажиллах гэрээ |
15 | "Дорнын чулуулаг" ХХК | Tianjin, Zhong Xue Tai Mining limited company | "Ерөөлтийн ордны хөрөнгө оруулалт"-ын санамж бичиг |
16 | Нортерн Рэйлвэйс ХХК-Northern Railways ХХК | China Gezhouba Group International Engineering Co.,LTD | “Эрдэнэт хот-Овоотын уурхай” чиглэлд төмөр замын суурь бүтцийн зураг төсөл боловсруулах, барих, ашиглах-шилжүүлэх концессын гэрээний нэмэлт гэрээ |
17 | “Шинэ Азиа” групп | Henan Senyuan Electric Co., Ltd | Завхан аймгийн Тэлмэн сумын 100 мвт хүчин чадал бүхий ДЦС-ын төсөл |
18 | “Шинэ Азиа” групп | Chinese Academy Of Agricultural Mechnization Sciences | Тэлмэний ДЦС-ийг түшиглэн баригдах ХАА-н үйлдвэрлэл, технологийн паркийн төсөл |
19 | Туушин ХХК | Өвөрмонголын Гадаад худалдааны хөгжил ХХК | Монгол-хятадын хооронд орчин үеийн логистикийг хөгжүүлэх талаар хамтран ажиллах тухай харилцан Ойлголцлын санамж бичиг |
20 | "Ногоон хөгжил үндэсний нэгдэл" ХК | "Tianjin Ke Yuan technology " company | "Хүрээлэн буй байгаль орчныг хамгаалах, байгальд ээлтэй өндөр технологийг хөгжүүлэх шинэ эрчим хүч, шинэ технологийг нэвтрүүлэх" гэрээ |
21 | “Дорнын газрын тос” ХХК | Belt and Road International Cooperate Construction Investment Limited | "Монгол-Орос-Хятадын байгалийн хоолойн төсөл"-ийг хэрэгжүүлэх харилцан ойлгоцлын санамж бичигт гарын үсэг зурах |
22 | Altai group | Xinjiang Tianye (Group) Co.,LTD | Хөдөө аж ахуй, газар тариалан гийн усжуулалтын системд хөрөнгө оруулах тухай санамж бичг |
23 | “Мах мийт” ХХК | Анхуй Хуа Анфен Индастриал ХХК | Мах боловсруулах, мах нядлах үйлдвэр хамтран барих тухай худалдаа, хөрөнгө оруулалтын хамтын ажиллагааны гэрээ |
24 | “Мах Импэкс” ХК | 中国检验认证集团 | Мах, махан бүтээгдэхүүн, тэжээл, боловсруулсан бүтээгдэхүүн нийлүүлэх гэрээ |
25 | Bogd Bank | China Alliance Urban Development planning | Дэд бүтцийн хөрөнгө оруулалтын гэрээ |
26 | Bogd Bank | Bank of Inner Mongolia Co., Ltd, | Банк хоорондын зээлийн ерөнхий гэрээ |
27 | Bogd Bank | Bao Shang Bank | Банк хоорондын зээлийн ерөнхий гэрээ |
28 | “Арвижих Энержи” ХХК | Tangshan Xinfeng Industrial Group | Монгол Улсын уул уурхайн салбарт байгаль орчинд ээлтэй чингэлэг, тээврийн төслийг хамтран хэрэгжүүлэх гэрээ |
29 | Монгол-Хятадын худалдаа, эдийн засаг, соёлын хамтын ажиллагааны нийгэмлэг | 合茂集团股份有限公司 | “Бээжин хотод Монголын төв байгуулах тухай санамж бичиг” |
30 | "Хараа Сүмбэр" ХХК | China Railway Construction Bridge Engineering Bureau Group Co Ltd | Улаанбаатар хот дахь гэр хорооллын дахин төлөвлөлт, сэргээн босголтын төслийн гэрээ |
31 | Монголын кино урлагийн наадам холбоо | Өвөрмонголын Чингис Хаан кино урлаг ХХК | "Чингис хааны тухай олон ангит киног хамтран хийх" гэрээ |
32 | “Эрдэс плазм” ХХК | China Triumph International Engineering Co.,Ltd | Монгол Улсад байгуулах 150 т/хоногт хавтгай шилний шугам болон 80 т/хоногт савлагааны шилний шугам байгуулах гэрээ |
33 | “Олон улсын худалдаа логистикийн төв” ХК | “Jintian Sunshine investment” | Нийслэлийн авто худалдааны цогцолборын авто машин худалдаалах зогсоолын талбайд бүтээн байгуулалтын хөрөнгө оруулалт хийх харилцан ойлголцлын санамж бичиг |
34 | BCKC Co,.lTD | "China State Construction Engineering Corporation Ltd Overseas Operations | Улаанбаатар “Сувдан хотхон төслийн зөвлөх үйлчилгээний гэрээ |
35 | Tsagaan Shonkhor Holdings Ltd | Beijing Mongol VanCompany | Хамтын ажиллагааны санамж бичиг |
36 | Улаанбаатар хотын Багахангай дүүргийн махны үйлдвэр ТӨХК | Sinolight International Holdings Corporation | Багахангай дүүргийн махны үйлдвэрийг шинэчлэх, сайжруулах |