Олон нийтийн сүлжээнд Хуульзүйн яамныхан албан хэрэгцээндээ зориулж татвар төлөгчдийн мөнгөөр 2018 оны “Lexus 570- Platinum signature” загварын машиныг худалдан авсан талаар шуугиад буй.
Тэгвэл Монголд орж ирээд 10 хоносон тус машиныг албан хэрэгцээндээ зориулан ашиглаж байгаагаа Хуульзүйн сайд Ц.Нямдорж хүлээн зөвшөөрлөө.
Тэрээр энэ тухайгаа “Саяхан манай яам хуучин машинууддаа зохицуулалт хийгээд нэг машин авсан. Тэр машиныг би унаж байгаа нь үнэн” хэмээжээ.
2017 оны есдүгээр сард Лексус моторсоос цоо шинэ тансаг зэрэглэлийн “Lexus 570” буюу “platinum signature” загварыг анх танилцуулсан бөгөөд 2018 оноос showroom-үүдэд тавигдаж, зарагдаж эхэлсэн байна. “Lexus 570” загварын тус машин нь 130 мянган ам.доллар буюу 313 сая 950 мянган төгрөгтэй тэнцэх үнээр худалдаалагдаж байгаа аж.
0
0
0
0
0
0
