УИХ-ын гишүүн О.Баасанхүүг гишүүнээс нь эргүүлэн татна хэмээн МАХН-ынхан мэдээлэл хийсэн. Харин МАХН-ын даргаар сонгогдоод буй УИХ-ын гишүүн О.Баасанхүү мөн Төрийн ордонд мэдээлэл хийлээ. Тэрбээр, МАХН-ын нэрийг барьсан хэсэг бүлэг хүмүүс миний төрд халдаж, маргааш Улсын дээд шүүхийн хуралдаанд нөлөөлөхийг оролдсон үйлдэл гаргаж байна. Дээд шүүхийн шийдвэр нааштай гарна гэдэгт эргэлзэж байна. Улсын дээд шүүхэд номлох баримт, тайлбар өгөх боломж өгөхгүйгээр шууд хурал хийж байгаа нь хуралд нөлөөлөх гэж оролдож байна гэж үзэж байгаа гэлээ. Мөн “МАХН-ын жирийн гишүүдийг зохион байгуулалттайгаар мөрдөж, мөшгиж, хавчин гадуурхаж, хууль бус үйлдэл гаргаж байна. МАХН гэдэг нам ганцхан Н.Энхбаяр гэдэг хүний нам биш. Би намаа цэвэрлэх гэж явж байна. МАХН-ын удирдлагууд маргааш болох шүүх хуралд нөлөөлөх гэж оролдож байна. Мөн манай намын жирийн гишүүдийг мөрдөж, шалгаж байгаад харамсч байна. Энэ МАН, АН-ын дэмжлэгээр ийм үйлдэл хийж байгаа биш, МАХН гэх намыг цэвэрлэхээр явж байна” гэсэн тайлбар өглөө.
Анхааруулга: Уншигчдын бичсэн сэтгэгдэлд Dugnelt.mn хариуцлага хүлээхгүй болно. Зүй зохисгүй зарим үг, хэллэгийг хязгаарласан тул та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах хэрэгтэй.
Та мэдээнд саналаа өгсөн байна
- 0
- 0
- 0
- 0
- 0
- 0
- Эхэнд
- Сүүлд
Шинэ мэдээ